Кыргыз-Түрк “Манас” университетинде «Жылдын мыкты котормочусу – 2022» кароо-сынагынын жыйынтыгы чыгып, сыйлык тапшыруу аземи болуп өттү

Кыргыз-Түрк “Манас” университетинин  Гуманитардык факультетине караштуу Синхрондук котормо бөлүмүнүн Кыргызча-түркчө программасы, КР Президентине караштуу Мамлекеттик тил жана тил саясаты боюнча улуттук комиссия, КР Улуттук жазуучулар союзу тарабынан уюштурулган  «Жылдын мыкты котормочусу – 2022» кароо-сынагынын жыйынтыгы чыгып, сыйлыктарды тапшыруу аземи болуп өттү.

“Жылдын мыкты котормочусу – 2022” кароо-сынагына келип түшкөн жыйырма беш котормонун ичинен мыктылары иргелип алынды.   Кароо-сынактын жеңүүчүлөрүнө КР Президентине караштуу Мамлекеттик тил жана тил саясаты боюнча улуттук комиссиянын дипломдору жана китептери, КР Улуттук жазуучулар союзунун ардак грамоталары, кызыктыруучу сыйлыктар тапшырылды. Сыйлыктарды тапшыруу аземине КР Президентине караштуу Мамлекеттик тил жана тил саясаты боюнча улуттук комиссиянын өкүлү Кутмырза Жакыбалиев, КР Улуттук жазуучулар союзунун төрагасынын орун басары Керимбек Кадыракунов, КР улуттук жазуучулар союзунун Котормо секторунун башчысы Алтынай Токтоматова, Гуманитардык факультеттин деканы ил.д., проф. Ахмет Беше, декан жардамчысы ил. канд. Жылдыз Чыманова, Синхрондук котормо бөлүмүнүн башчысы ил.док., проф. Экрем Арыкоглу, Синхрондук котормо бөлүмүнүн окутуучулары жана студенттери катышты.

Кароо-сынактын максаты берилген көркөм чыгармаларды кыргыз, түрк, орус, англис тилдерине которуу аркылуу котормо бөлүмүндө окуган студенттердин көркөм котормо багытындагы талант, шык-жөндөмүн ойготуу, сыноо. Көркөм котормо багытындагы мыкты котормочуларды аныктоо, таланттуу студенттерди келечекте ээ боло турган адистигине даярдоо. Ошондой эле башталгыч, орто мектептин окуучуларына кыргыз жана башка тилдерде билим-тарбия берүүлүүсүнө мыкты котормочулардын котормолору аркылуу салым кошуу. 

Салтанаттын аягында кароо-сынактын уюштуруучусу ф.и.к. Калия Кулалиева кароо-сынакка катышкан студенттерге, жаш котормочуларга өздөрүнүн ардак грамоталарын, белектерин тапшырып, эң негизгиси, нуска сөздөрүн айтып, куттуктоолорун жолдогон КР Президентине караштуу Мамлекеттик тил жана тил саясаты боюнча улуттук комиссиясынын, КР Улуттук жазуучулар союзунун өкүлдөрүнө жана Кыргыз-Түрк “Манас” университетинин жетекчилигине ыраазычылыгын билдирди. 

Которуу үчүн сунушталган чыгармалар:

  1. ЗООКА. Аӊгеме (кыргыз тилинде). Автору: Бейшебай Усубалиев.
  2. Ninemin Gözleri. Аңгеме (түрк тилинде). Автору: Lindita Xhanari LATİFİ.


Кыргыз тилинен түрк тилине которуу боюнча: 


(ЗООКА. Аӊгеме (кыргыз тилинде). Автору Бейшебай Усубалиев)

1-орун Мээрим Тынарбекова (Синхр.к.б. Кырг.-түркчө прогр. 4-курс)

2-орун Айканыш Адилова (Синхр.к.б. Кырг.-түркчө прогр. 4-курс)

3-орун Зулайка Эгембердиева (Синхр.к.б. Кырг.-түркчө прогр. 4-курс)


Түрк тилинен кыргыз тилине которуу боюнча:


Ninemin Gözleri. Аңгеме (түрк тилинде). Автору Lindita Xhanari LATİFİ


1-орун Алина Абдужапарова (Синхр.к.б. Кырг.-түркчө прогр. 2-курс)

2-орун Турсунай Жаныбек кызы (Синхр.к.б. Түркчө-орусча прогр. 3-   курс)

3-орун Нурайым Тагайбекова (Синхр.к.б. Кырг.-түркчө прогр. 1-курс)

Кызыктыруучу сыйлык: Айнур Абитова (Коммуникация фак. 1-курс)


Кыргыз тилинин англис тилине которуу боюнча 1-орун:

(ЗООКА. Аӊгеме (кыргыз тилинде). Автору Бейшебай Усубалиев)

1-орун Ширин Чынгызали кызы (Синхр.к.б. Англисче-кыргызча котормо прогр. 3-курс) 


Архив